2025-ci il yanvarın 20-24-də Türkiyənin İstanbul Aydın Universitetinin müəllimi və dekan köməkçisi Dos. Dr. Gökçen Çatlı ERASMUS+ (KA171) mübadilə proqramı çərçivəsində Xəzər Universitetində olmuşdur.

İlkin görüşdə Xəzər Universitetindən Tarix və arxeologiya departamentinin müdiri Dos. Telman Nüsrətoğlu, həmin departamentin müəllimləri Dr. Söhrab Mustafayev, Orxan Zamanov, Dr.Nurlan Nəsirov, Dr.Ramin Fətullayev və Ceyran Məmmədova, Beynəlxalq əlaqələr şöbəsinin müdiri Fatimə Vəliyeva və koordinatoru İlqarə Abdullayeva, Keyfiyyətin Təminatı Mərkəzinin koordinatoru Kəmalə Mustafayeva iştirak etmişlər.

Növbəti günlərdə Dos. Dr. Gökçen Çatlı Tarix və arxeologiya departamentinin müdiri Dos.  Telman Nüsrətoğlu ilə görüşmüş, iki universitet arasında ortaq layihələrin qurulması və əlaqələrin gücləndirilməsi ilə bağlı müzakirə aparmışlar. Proqramın davamında Gökçen Çatlı İlqarə Abdullayevanın müşayiəti ilə “Yanar dağ” Dövlət Tarix-Mədəniyyət və Təbiət Qoruğuna və “Atəşgah məbədi” Dövlət Tarix-Memarlıq Qoruğuna səyahət etmişdir.

Mübadilə proqramının sonunda Dos. Dr. Gökçen Çatlı`ya müvafiq sertifkat təqdim olunmuşdur.