2025-ci il yanvarın 22-də Xəzər Universitetinin koordinatoru olduğu, Avropa Komissiyası tərəfindən maliyyələşdirilən Erasmus+ KA2 proqramının  “Azərbaycanda İnstitusional Repozitoriyalar Şəbəkəsi Vasitəsilə Tədqiqat Potensialının İnkişafı” (DIRNA) adlı layihəsi çərçivəsində “Təhsildə və araşdırmada süni intellekt” adlı vebinar keçirildi.

Vebinar İzmir Yüksek Texnologiya İnstitutunun Kitabxana direktoru Gültekin Gürdal tərəfindən təqdim olundu.

Vebinarda Xəzər Universiteti ilə yanaşı  DIRNA layihəsinin tərəfdaşı olan Azərbaycan ali təhsil müəssisələrinin (Bakı Dövlət Universiteti, Azərbaycan Texniki Universiteti, Dövlət Gömrük Komitəsinin Akademiyası, Gəncə Dövlət Universiteti, Naxçıvan Dövlət Universiteti, Mingəçevir Dövlət Universiteti, Lənkəran Dövlət Universiteti) nümayəndələri iştirak etdi.

Vebinarda süni intellekt, məqsədi, üstünlükləri, təhsildə istifadə olunan süni zəka vasitələrinin  seçilməsi, dövrün tələbinə uyğun olaraq tədqiqatçıların məqalə yazan zaman istifadə edə biləcəyi alətlərdən bəhs olundu.

Süni intellektin yaratdığı yeni şəraitə uyğun bacarıq və təcrübənin inkişaf etdirilməsinin önəmli olduğu vurğulandı.