2025-ci il yanvarın 16-da Xəzər Universitetində Tarix və arxeologiya departamentinin təşkilatçılığı, müəllim və tələbələrin iştirakı ilə 20 yanvar hadisələrinin 35-ci ildönümünə həsr olunmuş anım tədbiri keçirildi. 20 Yanvarla bağlı  videoçarx nümayiş olundu.

Tədbirdə Tarix və arxeologiya departamentinin müdiri Dos. Telman Nüsrətoğlu, departamentin müəllimi Dr. Söhrab Mustafayev və İctimai əlaqələr və media üzrə direktor Əlövsət Əmirbəyli çıxış etdilər. Çıxışlarda Sovet imperiyasının Azərbaycana qarşı törətdiyi misli görünməyən vəhşilik, 20 yanvar hadisələrinin mahiyyəti, xalqın milli müstəqillik və ərazi bütövlüyü uğrunda  mübarizə ruhu,  Moskvanın  bütün təzyiqlərinin, qorxu yaratmaq cəhdlərinin milli birlik və həmrəyliklə dəf edildiyi qeyd olundu.