2025-ci il yanvarın 7-də Xəzər Universitetində Türkiyədə baytarlıq sahəsi üzrə fəaliyyət göstərən Hasvet Medical Group Şirkətinin Bakı və Türkiyə üzrə nümayəndələri ilə görüş keçirilmişdir. Görüşdə Hasvet Medical Groupun rəhbər və qurucusu  Hidayət Şimşək, şirkət koordinatoru  Yunus Emre Büyükballı və Hasvet İnternational Animal Hospital Baku-nun direktoru Mehmet Koçak, Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı və prorektor, dekan və departament müdirləri iştirak etmişlər.

Görüşün əsas məqsədi baytarlıq təbabəti departamentinin fəaliyyət istiqamətlərinin genişləndirilməsi, tədris prosesinin keyfiyyətinin yüksəldilməsi və maddi-texniki bazanın qurulmasına dair birgə müzakirələrin aparılması olmuşdur.

Yanvarın 9-da maddi-texniki baza və klinik fəaliyyətlə tanışlıq məqsədilə şirkətin Bakı şəhərində fəaliyyət göstərən Hasvet İnternational Animal Hospitala ziyarət təşkil edilmişdir.