2025-ci il yanvarın 6-da Xəzər Universitetində Şimali Kiprin Doğu Akdeniz Universitetinin nümayəndə heyəti ilə görüş keçirilib. Görüşdə Doğu Akdeniz Universitetinin rektoru Prof. Dr. Hasan Kılıç, İnstitusional İnkişaf və Beynəlxalq Akademik Əlaqələr şöbəsinin koordinatoru Dos.. Cahit Ezel və Əczaçılıq fakültəsinin dekanı Prof. Dr. Hayrettin Ozan Gülcan, Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı, prorektorlar, dekanlar və akademik departament rəhbərləri iştirak ediblər.

Görüş zamanı Beynəlxalq əlaqələr şöbəsinin müdiri Fatimə Vəliyeva tərəfindən Xəzər Universiteti barədə, Doğu Akdeniz Universitetinin rektoru Prof. Dr. Hasan Kılıç tərəfindən isə Doğu Akdeniz Universiteti haqqında təqdimatlar nümayiş etdirilib. Müzakirələrdə  iki universitet arasında akademik əməkdaşlıq və əlaqələrin inkişafı əsas mövzu olub.

Görüş çərçivəsində qarşılıqlı anlaşma memorandumu imzalanıb. Sonda tərəflər bir-birinə xatirə hədiyyələri təqdim ediblər.