Xəzər Unuversitetinin Təbiət elimləri və mühəndislik fakültəsinin II kurs tələbəsi Leyli Abbaszadə Bakı Dövlət Universiteti tərəfindən 2024-cü il dekabrın 24-də təşkil olunan "Biotibbi və ətraf mühit çağırışları üçün qabaqcıl materiallar" mövzusunda beynəlxalq konfransda məruzə edib.

Kimya müəllimliyi ixtisası üzrə təhsil alan tələbənin araşdırması Azərbaycanın neftli qumlarının spektral tədqiqinə həsr olunmuşdur. Onun ilk dəfə olaraq əldə etdiyi tədqiqat nəticələri, indiyədək respublikada istifadə olunmayan neftli qumlardan yanacaq məhsullarının alınmasının perspektivliyinin yüksək olduğunu göstərmişdir. Leyli Abbaszadənin məruzəsi konfrans iştirakçıları tərəfindən maraqla qarşılanmış və yüksək qiymətləndirilmişdir.