2024-cü il dekabrın 26-da Dillər və ədəbiyyatlar departamentinin müəllimi, Dr. Sevinc Qəmbərovanın moderatorluğu ilə “Natiqlik sənətinin sirləri” mövzusunda dəyirmi masa təşkil edilmişdir. Əvvəlcə Əməkdar jurnalist, Prof. Qulu Məhərrəmlinin Azərbaycan mətbuatındakı, jurnalistikasındakı rolu, elmi-pedaqoji fəaliyyəti, müəllifi olduğu çoxsaylı kitablar, sənədli filmlər və s. barədə danışılmış, yubileyi münasibətilə təbrik edilmişdir. Sonra Prof. Qulu Məhərrəmli nitq mədəniyyəti, diksiya, nitqin məntiqi və texnikası, dil və nitq anlayışları, mütaliə mədəniyyəti və s. barədə ətraflı şəkildə danışmış, tələbələrin suallarını cavablandırmışdır. Hər zaman aktuallığını qoruyan “Natiqlik sənətinin sirləri” mövzusu  auditoriyanın böyük marağına səbəb olmuş və müzakirələr aparılmışdır.

Tədbirdə Dillər və ədəbiyyatlar departamentinin müdiri Dos. Dilbər Zeynalova, Humanitar, təhsil və sosial elmlər fakültəsinin dekan müavini Pərvin Kərimova, Dr. Almaz Bədəlova və tələbələr iştirak etmişlər.