2024-cü il dekabrın 24-də Xəzər Universiteti Siyasi elmlər və fəlsəfə departmamentinin təşkilatçılığı ilə universitetdə azərbaycanlı jurnalist, yazıçı, araşdırmaçı, Azərbaycan Xalq Cümhuriyyətinin 100 illiyi (1918-2018)" yubiley medalına layiq görülmuş Dilqəm Əhmədin “Son mənzili İstanbul olan azərbaycanlılar” kitabının təqdimatı keçirildi.

Tədbir Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlının açılış nitqi ilə başladı.

Siyasi elmlər və fəlsəfə departamentinin müdiri Dos. Orxan Vəliyevin moderatorluğu ilə davam edən tədbirdə Prof. Fikrət Rzayev (ADPU-nun Sosial və humanitar məsələlər üzrə prorektoru), Dr. Cihangir İşbilir, (Türkiyə Respublikasının Azərbaycandakı səfirinin media müşaviri), Prof. Ədalət Tahirzadə (Bakı Avrasiya Universitetinin müəllimi) və Dos. Mehdi Gəncəli (Mərmərə Universitetinin müəllimi, kitabın redaktoru) çıxış etdirlər.

 Müəllif Dilqəm Əhməd   çıxışında bu kitabın ərsəyə gəlməsindən, arxivlərdə aparılan axtarışlardan, son mənzili İstanbul olan azərbaycanlıların məzarlarının bərpasından danışdı, “Son mənzili İstanbul olan azərbaycanlılar” kitabından Xəzər Universitetinə hədiyyə etdi.

Müəllifə ünvanlanan suallar yekunlaşdıqdan sonra tədbir Hamlet İsaxanlının da Dilqəm Əhmədə hədiyyə təqdim etməsi ilə başa çatdı.