2024-cü il dekabrın 19-da Xəzər Universitetinin Mərmər zalında Erasmus+ PİCASP layihəsinin yekun hesabat görüşü keçirildi.

Tədbir Xəzər Universitetinin rektoru, Dos. İradə Xəlilovanın açılış nitqi ilə başladı.  Sonra Xəzər Universiteti Beynəlxalq əlaqələr şöbəsinin  Fatimə Vəliyeva universitet haqqında təqdimatla çıxış etdi.

İqtisadiyyat və menecment fakültəsinin dekanı Dr Raziyə İsayeva PİCASP layihəsi haqqında ümumi məlumat verdi və 4 il ərzində Xəzər Universiteti İnkişaf Mərkəzinin layihə çərçivəsində gördüyü işlər haqqında ətraflı danışdı.

Tarix və arxeologiya departamentinin müəllimləri Dr. Yaqub Məmmədovun “Azərbaycanın Paleolit düşərgələri” və Dr. Ramin Fətullayevin “Erkən Sovet hakimiyyəti dövründə Azərbaycanın mədəni irsi” mövzusunda təqdimatları maraqla dinlənildi.

Turizm işinin təşkili ixtisasının bir sıra tələbə və məzunları layihə çərçivəsində alınan proqramlarla keçirilən dərs barədə öz təcrübələrini bölüşmüş və öz startap ideyaları ilə çıxış etdilər.

Tədbirin sonunda qonaqlara hədiyyə verildi və kollektiv şəkillər çəkildi..

Görüşün 2-ci hissəsi Azərbaycan Turizm Universitetində keçirildi.