Xəzər Universitetinin Tarix və arxeologiya departamentinin müəllimi, AMEA Arxeologiya və Antropologiya İnstitutunun  aparıcı elmi işçisi Dr. Yaqub Məmmədov 2024-cü il dekabrın 11-də Bakı Dövlət Universitetində Azərbaycanda paleolit dövrünün öyrənilməsi məsələlərinə həsr olunan elmi seminarda iştirak və çıxış etmişdir.

Dr. Yaqub Məmmədov çıxışında ötən 70 ildə qədim daş dövrünün öyrənilməsi istiqamətində aparılmış tədqiqatlar və  onun rəhbərliyi ilə aparılmış “Qazax paleolit arxeoloji ekpedisiyası” nın əldə etdiyi nəticələr ilə bağlı geniş məlumat vermişdir. Nəzərə çatdırmışdır ki, həmçinin, bu il öz rəhbərliyi ilə Ağstafa-Qazax rayonları ərazisində arxeoloji kəşfiyyat aparılmış və yeni orta paleolit abidəsi (Candar göl paleolit emalatxanası) qeydə alınmışdır. Çıxışının sonunda o, tələbə və magistrantların suallarını cavablandırmışdır.