2024-cü il dekabrın 11-də İqtisadiyyat və menecment departamentinin təçkilatçılığı ilə “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində İstanbul Universitetində təhsil alan doktorant Murad Əliyev iş-həyat balansına dair onlayn seminar keçirmişdir. Seminarda Xəzər Universitetinin tələbələri, professor-müəllim heyəti və əməkdaşları iştirak ediblər.

Murad Əliyev “Müxtəlif nəsillər arasında iş-həyat balansının işçilərin cəlb olunmasına təsiri” mövzusunda məruzəsində iş-həyat balansının işçilərin motivasiyası, məhsuldarlığı və işdən məmnunluğuna əhəmiyyətli təsirini vurğulayıb.  Azərbaycan universitetlərində və klinikalarında işləyən müxtəlif nəsillərin iş-həyat harmoniyasına nail olmaq üçün qarşılaşdıqları unikal gözləntiləri və çətinlikləri araşdıran elmi işi barədə ətraflı məlumat vermişdir.

İnteraktiv formada keçən seminarda məruzəçi və iştirakçılar arasında müzakirələr aparılmışdır.