Siyasi elmlər və fəlsəfə departamentinin müdiri Dos. Orxan Vəliyev 2024-cü il dekabrın 10-da “Azərbaycanla Ermənistan arasında sülh sazişinə başlıca maneə” adlı beynəlxalq konfransda iştirak etmişdir.
Konfransda Beynəlxalq Münasibətlərin Təhlili Mərkəzi (BMTM) İdarə Heyətinin sədri Fərid Şəfiyev Azərbaycanın Ermənistanla sülhün əldə edilməsində maraqlı olduğunu bildirib. O qeyd edib ki, bununla belə, Ermənistanın davam edən ərazi iddiaları sülh prosesinə mane olur.
Azərbaycanın xarici işlər nazirinin müavini Elnur MəmmədovAzərbaycanın Ermənistana sülh sazişi barədə təklif göndərdiyini diqqətə çatdırıb. Sülhün əldə edilməsindəki maneələrdən danışan E.Məmmədov qeyd edib ki, Ermənistanın konstitusiyasındakı ərazi iddiaları sülhə əsas maneədir. Digər bir problem isə müxalifətin mövqeyidir.
Sonra konfransda “Ermənistan Konstitusiyasında və qanunlarında sülh müqaviləsinə maneələr” və “Sülh naminə konstitusiyaların dəyişdirilməsi – beynəlxalq təcrübələr” mövzularında panel müzakirələri aparılıb.