Dekabrın 11-də Elm və Ali Təhsil üzrə Dövlət Agentliyinin təşkilatçılığı ilə Ritz-Carlton hotelində “Elm və ali təhsilin beynəlmiləlləşməsi” mövzusunda tədbir keçirilib.

Tədbirdə Elm və Ali Təhsil üzrə Dövlət Agentliyinin direktoru Ülkər Səttarova çıxış edərək elm və ali təhsilin beynəlmiləlləşməsi baxımından tədbirin məqsədini və önəmini vurğulayıb.

Elm və təhsil naziri Emin Əmrullayev çıxışında ölkə universitetlərinin beynəlxalq reytinqinin yüksəlməsi, universitetlərdə tədqiqat prosesinin stimullaşdırılması, ölkədə elmin inkişafı istiqamətində fəaliyyətin təşkili və digər məsələlərə toxunub.Xarici işlər nazirinin müavini Yalçın Rəfiyev Azərbaycanda xarici tələbələrin təhsil almasının ölkələrarası ictimai diplomatiya aləti kimi önəmini vurğulayıb.

Tədbir bir neçə mövzu üzrə panel sessiyalarla davam edib.

Sonda təltifetmə mərasimi olub. Xəzər Universitetinə "Elm və ali təhsilin beynəlmiləlləşməsi" sahəsində faəliyyəti ilə fərqləndiyinə görə təşəkkürnamə verilib.

Tədbirdə Xəzər Universitetindən Təbiət elmləri və mühəndislik fakültəsinin dekanı Fəxrəndə Əfəndiyeva, Təbiət elmləri, sənət və texnologiya yüksək təhsil fakültəsinin dekanı Günel Bahəddinova, Beynəlxalq əlaqələr şöbəsinin müdiri Fatimə Vəliyeva iştirak ediblər.

AZƏRTAC Dövlət  İnformasiya Agentliyi, bəzi saytlar tədbir haqqında xəbər yayımlayıb.

https://azertag.az/xeber/elm_ve_ali_tehsilin_beynelmilellesmesi_movzusunda_tedbir_kechirilib_video-3327011