2024-cü il dekabrın 5-də Xəzər Universitetinin koordinatorluq etdiyi Erasmus+ DIRNA layihəsi çərçivəsində Elm və Ali Təhsil üzrə Dövlət Agentliyində agentliyin rəhbər heyəti ilə Xəzər Universiteti və İzmir Yüksək Texnologiya İnstitutu (İYTE; Türkiyə)  nümayəndələrinin  görüşü keçirilib.

Görüşdə Elm və Ali Təhsil üzrə Dövlət Agentliyinin direktoru Ülkər Səttarova və əməkdaşları, İzmir Yüksək Texnologiya İnstitutunun rektoru Prof.Dr. Yusuf Baran, İYTE kitabxana direktoru Gültekin Gürdal, Xəzər Universitetinin rektoru Dos. İradə Xəlilova və İqtisadiyyat və menecment fakültəsinin dekanı Dr. Raziyə İsayeva iştirak etmişlər.

Görüşün əsas mövzusu "Azərbaycanda İnstitusional Repozitoriyalar Şəbəkəsi vasitəsilə Tədqiqat Potensialının İnkişafı" (DIRNA) layihəsi çərçivəsində tərəfdaşlıq imkanları idi. Layihənin əhəmiyyəti və onun yerli universitetlərə elmi potensialın inkişafı baxımından faydaları ətraflı təhlil edildi, beynəlxalq əməkdaşlıq və elmi tədqiqat sahəsində mövcud vəziyyət və gələcək perspektivlər müzakirə olundu.

Bəzi media qurumları bu barədə xəbər yayımlayıb.

https://eatda.edu.az/xeberler/elm-ve-ali-tehsil-uzre-dovlet-agentliyi-ile-turkiye-respublikasinin-izmir-yuksek-texnologiya-institutu-ve-xezer-universitetinin-numayendeleri-arasinda-gorus-kecirilib?fbclid=IwY2xjawHFDB9leHRuA2FlbQIxMAABHYWElhw96NubPV9C1sZ80avzS0KxJG99RwGdSp5VIjhTjTKOpC5J7JAEKw_aem_DubgMv6mxTE7iyWQtIqstg