Xəzər Universiteti Siyasi elmlər və fəlsəfə departamentinin müdiri Dos. Orxan Vəliyev Qərbi Azərbaycan İcması tərəfindən “Qayıdış hüququ: Ermənistandan zorla çıxarılmış azərbaycanlılar üçün ədalətin təmin edilməsi” II beynəlxalq konfransına dəvət olunmuş və iştirak etmişdir.

2024-cü il   dekabrın 5-6-da Bakıda keçirilən konfransda aralarında parlament üzvləri, ictimai-siyasi xadimlər, vətəndaş cəmiyyəti fəalları və elm xadimləri olmaqla 200-dən artıq iştirakçı ilə 51 ölkə təmsil olunmuşdur.

Konfransın açılışında Prezident İlham Əliyevin konfrans iştirakçılarına müraciəti oxunub.

Konfransda Qərbi Azərbaycan İcmasının İdarə Heyətinin sədri, Milli Məclisin deputatı Əziz Ələkbərli, Türkiyənin sabiq xarici işlər naziri, Türkiyə Böyük Millət Məclisinin NATO PA-da nümayəndə heyətinin rəhbəri Mövlud Çavuşoğlu və digərləri çıxış etmişlər.

Sonda konfransın yekun sənədi qəbul olunub.