Türkiyənin Bartın Universitetinin nümayədənləri - Beynəlxalq əlaqələr və texnolji layihələr üzrə prorektor Prof. Dr. Mehmet Zahmakıran, Beynəlxalq əlaqələr şöbəsinin rəhbəri və Təhsil fakültəsinin dekan köməkçisi  Asst. Prof. Dr. Ahmet Yirmibeş, rektor köməkçisi Turgut Delialioğlu və PR Ofisinin rəhbəri Mehmet Ceyaln Erasmus+ Tələbə və İşçi Heyətinin Mübadilə Proqramı (Erasmus+ K171) çərçivəsində 2024-cü il dekabrın 2-3-də Xəzər Universitetində oldular.

Səfərin ilk günü Bartın Universitetinin nümayəndə heyəti və Xəzər Universitetinin nümayəndə heyəti arasında görüş keçirildi. Xəzər Universiteti tərəfindən görüşdə rektor Dos. İradə Xəlilova, Tədris işləri üzrə prorektor Prof. Məhəmməd Nuriyev, Elm, sənət və texnologiya yüksək təhsil fakültəsinin dekanı Dr. Günel Bahəddinova, İqtisadiyyat və menecment fakültəsinin dekanı və İnkişaf Mərkəzinin direkroru Dr. Raziyə İsaeva, Humanitar, təhsil və sosial elmlər fakültəsinin dekanı vəzifəsini icra edən Aygün Verdiyeva, Təhsil departamentinin koordinatoru Günay Qasımova, Beynəlxalq əlaqələr şöbəsinin müdiri Fatimə Vəliyeva, koordinatorları Jalə Məmmədova və İlqarə Abdullayeva iştirak etdilər.

Görüş zamanı hər iki tərəfin təqdimatından sonra qarşılıqlı tələbə və işçi heyəti mübadiləsi məsələləri və müştərək tədqiqatlar mövzusunda müzakirələr aparıldı və razılıq əldə olundu.

Görüşün sonunda Bartın Universitenin nümayəndə heyətinə hədiyyələr təqdim edildi.

Proqrama uyğun olaraq Kitabxana İnformasiya Mərkəzinin direktor müavini Aytac Misgərlinin müşayiəti ilə qonaqlar mərkəzin fəaliyyəti ilə tanış oldular. Nailəxanım Mədəniyyət Mərkəzində onlara görkəmli pedaqoq Nailəxanım İsayevanın həyat və fəaliyyətini əks etdirən eksponatlar haqqında ətraflı məlumat verildi. Sonra Fizika və elektronika departamentinin müdiri Fəridə Tatardar qonaqları departament və laboratoriyanın işi tanış etdi.

Növbəti gün isə Humanitar, təhsil və sosial elmlər fakültəsinin dekan müavini Pərvin Kərimova  ilə, Xəzər Universitetinin Nərimanov korpusunda və “Dünya” məktəbində görüşlər keçirildi. Sonra  qonaqlar Jalə Məmmədova ilə Şəhidlər Xiyabınını ziyarət etdilər və İçərişəhərdə ekskursiyada oldular.