2024-cü il noyabrın 18-22-də Xəzər Universiteti Tarix departamentinin müəllimi Nurlan Nəsirov və Inkişaf Mərkəzinin layihə meneceri Səbinə Quluyeva ERASMUS+ PICASP layihəsi çərçivəsində Qazaxıstanın  Yessenov Universiteti və Beynəlxalq Biznes Universitetində  olublar.

Qeyd edək ki, PICASP layihəsinin (Xəzər regionunun inkişafını dəstəkləmək məqsədilə universitet-sənaye əməkdaşlığını həyata keçirən təcrübə müəssisələri pilot kursları) əsas məqsədləri təcrübə müəssisəsi ilə yeni tədris metodları hazırlamaq, sahibkarlıq və KOB-ların idarə edilməsi üzrə kurslar təşkil etmək, Avropa İttifaqı tərəfdaşları ilə təcrübə mübadiləsini artırmaq və maraqlı tərəflərin kurikulumların hazırlanmasında və məzunların məşğulluğunda iştirakını təmin etməkdir.

Tədbirin əsas məqsədi 4 il ərzində həyata keçirilən layihənin sonunda əldə edilən nəticələrin  hesabatının təqdim olunması idi.

Görüş zamanı tərəfdaş universitet nümayəndələri kampusla  və PİCASP otağı ilə tanış olmuşlar.

Qazaxıstanın hər 2 universitetində görülən işlər, yaradılan MOOC təlimləri (kütləvi açıq onlayn kurslar), universitet+müəssisə əməkdaşlığı, istehsalat müəssisələri təcrübəsi və s. haqqında geniş məlumat verilib. Tədbir çərçivəsində iştirakçılar üçün Qazaxıstan Respublikasının Dövlət Muzeyi, Şimbulak-Medeu dağ-xizək kompleksi və Tanbalı qayaüstü təsvirlər muzey-qoruğuna tanışlıq səfərləri təşkil olunub.