2024-cü il noyabrın 22-də Xəzər Universitetinin Beynəlxalq əlaqələr şöbəsinin əməkdaşları ilə Çinin Sichuan Universitetinin Xaricdə təhsil şöbəsinin koordinatoru Ping Liang ilə görüş keçirildi. Görüşdə  şöbənin müdiri Fatimə Vəliyeva, koordinatorları Əli Mirzəzadə və Jalə Məmmədova iştirak etdilər.

Fatimə Vəliyeva Xəzər Universiteti, Ping Liang isə Sichuan Universiteti haqqında ətraflı məlumat verdilər. Keçirilən müzakirələrdə iki universitet arasında əməkdaşlıq, tələbə mübadiləsi və digər birgə layihələr haqqında fikir mübadiləsi aparıldı.

Görüşdən sonra Ping Liang Xəzər Universiteti ilə, o cümlədən  Çin Təqdiqatlar Mərkəzi və Konfutsi sinifləri ilə tanış oldu.