2024-cü il noyabrın 15-də Xəzər Universiteti potensial tərəfdaşlıq və birgə təşəbbüsləri araşdırmaq üçün Müasir Çin və Dünya Araşdırmaları Akademiyasının (MÇDAA) nümayəndə heyətini qəbul etdi. Bu mühüm görüş Azərbaycan və Çin arasında tədris  və mədəni mübadiləni gücləndirmək üçün mühüm bir addım oldu.

Görüş zamanı Xəzər Universitetinin təsisçisi, Direktorlar və Qəyyumlar Şurasının sədri Prof. Akad. Hamlet İsaxanlı nümayəndə heyətini səmimiyyətlə salamlayaraq, səfərlərinə görə onlara minnətdarlığını bildirib. O, əvvəlki Çin səfəri zamanı olan müsbət təəssüratlarını bölüşərək, potensial uğurlu tərəfdaşlıq imkanları ilə bağlı   fikirlərini ifadə etdi.

Ümumi tanışlıqdan sonra  rektor Dos. İradə Xəlilovanın rəhbərliyi ilə Xəzər Universitetinin heyəti günün proqramını müəyyənləşdirdi. Dos.. Xəlilova universitetin tarixi,tədris sahəsindəki üstünlükləri, müasir imkanları və beynəlxalq nailiyyətlərindən bəhs etdi. Çin qurumları ilə tərəfdaşlıqları və Xəzər Universitetinin Çin Tədqiqatlar Mərkəzinin fəaliyyətini vurğulayaraq, əməkdaşlıq imkanlarını qeyd etdi. Həmçinin, “Dünya” məktəbi və Nailəxanım Fondu haqqında da məlumat verdi.

Vitse-prezident Fan Daqi, köməkçi elmi işçi Zao Lişa və tədqiqat assistenti Zanq Yuansionq`dan ibarət MÇDAA nümayəndə heyəti Bakı haqqında ilk təəssüratlarından və Akademiyanın diqqət mərkəzində olan tədqiqat mövzularından danışdılar. Onlar süni intellekt, mülki mühəndislik, iqlim dəyişikliyi, mədəniyyət tədqiqatları və Bakı - Pekin arasında birgə tədqiqat layihələri də daxil olmaqla bir neçə əməkdaşlıq sahəsi təklif etdilər. Birgə tədqiqat mərkəzi və iki qurum arasında mübadilə proqramlarının yaradılması da müzakirə olundu.

Müzakirələr zamanı Dos. Xəlilova birgə konfransın keçirilməsini təklif etdi və bu təklif MÇDAA nümayəndə heyəti tərəfindən böyük maraqla qarşılandı. Xəzər Universiteti Direktorlar və Qəyyumlar Şurası sədrinin köməkçisi Turana Əliyeva tərəfindən təqaüd proqramları da təklif olundu. Görüş qarşılıqlı hədiyyələrin mübadiləsi və birgə foto çəkdirməklə başa çatdı.

Bu görüş gələcək əməkdaşlıqlar üçün möhkəm təməl qoydu, Xəzər Universitetinin beynəlxalq tərəfdaşlıqları genişləndirmək və mədəniyyətlərarası dialoqu inkişaf etdirmək öhdəliyini bir daha nümayiş etdirdi.