2024-cü il noyabrın 14-də COP29 çərçivəsində Müasir Çin və Dünya Araşdırmaları Akademiyası (ACCWS) Xəzər Universiteti Çin Araşdırmaları Mərkəzinin dəstəyi ilə "Çin-Aİ İqlim və Dayanıqlı İnkişaf Əməkdaşlığı Dialoqu"nu təşkil edib. “French Bridge” (Fransız Körpüsü) beyin mərkəzi ilə birgə təşkil olunan tədbirdə BMT-nin keçmiş baş katibinin müavini Eric Solheim və Chao Qingchen də daxil olmaqla aparıcı şəxslər iştirak ediblər.

Dialoq zamanı Müasir Çin və Dünya İnstitutunun vitse-prezidenti Fan Daqi və “French Bridge” (Fransız Körpüsü) beyin mərkəzinin sədri Zhou Rui tərəfindən "Çin-Fransa iqlim və dayanıqlı inkişaf əməkdaşlığı: problemlər, imkanlar və perspektivlər" hesabatı təqdim edilib. Digər diqqətəlayiq məruzəçilər arasında Çinhua Universitetinin İqlim Dəyişikliyi İnstitutunun vitse-prezidenti Zhang Jian, Fransa Enerji 2050-nin prezidenti Stéphane Buffari, Çinhua Universitetinin Enerji, Ətraf Mühit və İqtisadiyyat İnstitutunun müdir müavini Teng Fei və Fransız InVivo Qrupunun Kənd Təsərrüfatı Həlləri direktoru Edward Lancrete olub.

Xəzər Universitetinin rektoru İradə Xəlilova Çinə səfərlərindən təəssüratlarını bölüşərək, ölkənin elm, texnologiya və dayanıqlı inkişafa yönəlmiş əhəmiyyətli nailiyyətlərini təqdir edib. O, Xəzər Universitetinin dayanıqlılıq tədqiqatlarına sadiqliyini vurğulayıb və konfransda qlobal iqlim əməkdaşlığının gücləndirilməsi üçün daha güclü beynəlxalq konsensusun əldə olunacağına ümid etdiyini bildirib.

Tədbir COP29 çərçivəsində hökumətlər, tədris qurumları, müəssisələr və vətəndaş cəmiyyətinin töhfələrini bir araya gətirərək, çoxtərəfli dialoqu təşviq etməkdə mühüm addım olub. Avropa İttifaqı Asiya Mərkəzi, Çinhua Universitetinin İqlim Dəyişikliyi İnstitutu və Xəzər Universiteti Çin Araşdırmaları Mərkəzinin dəstəyi ilə keçirilən dialoqda Çin, Fransa, Azərbaycan və müxtəlif qlobal təşkilatlardan olan beynəlxalq ekspertlər, hökumət rəsmiləri, biznes liderləri və gənc nümayəndələr iştirak ediblər.