Oktyabrın 28-də Xəzər Universitetinin Bey­nəlxalq əlaqələr şöbəsi tərəfindən universitet tələbələri üçün "ABŞ-da təhsil" mövzusunda görüş təşkil edildi. Gö­rüş­də Fulbrayt proqramı çərçivəsində Xəzər Uni­versitetinə gəlmiş Natalia Rekhter və Azər­bay­ca­nın Amerika Şurasından olan ekspertlər  çıxış edə­rək, tələbələri ABŞ-dakı təhsil barəsində məlumatlandırdılar.

Universitetin rektoru Dos. İradə Xəlilova qo­naq­ları təqdim etdikdən sonra tədbir Natalia Rek­h­ter`in çıxışı ilə davam etdi. O, ABŞ-da mövcud olan universitetlər, onlara qəbul üçün hansı sə­nəd­lərin və hansı beynəlxalq sertifikatların tə­ləb  olunduğu haqda tələbələrə məlumat ver­di. Beynəlxalq Təhsil üzrə Amerika Şurasının nümayəndələri Jalə Axun­do­va və Ramilə Verdiyeva, əsasən, ABŞ-dakı yük­sək reytinqli universitetlərə qəbul üçün təh­sil göstəricilərindən savayı namizədin hansı so­si­al fəallıqlara, o cümlədən hansı sosial profilə sa­hib olması barəsində öz fikirlərini tələbələrlə bö­­lüşdülər.

Sonra tələbələr spikerlərə suallarını ün­van­la­dılar və bu suallar ətrafında müzakirə aparıldı.