2024-cü ilin noyabr ayında Tokio Universiteti Muzeyinin direktoru Prof. Yoshihiro Nishiaki, AMEA Arxeologiya və Antropologiya İnstitutunun aparıcı elmi işçisi Dos. Azad Zeynalov və həmin institutun aparıcı elmi işçisi, Xəzər Universiteti Tarix və arxeologiya departamentinin müəllimi Dr. Yaqub Məmmədovun elmi redaktorları olduqları “Damjili Cave: Investigating the Late Pleistocene to Holocene Human History in the Southern Caucasus” (“Damcılı mağarası. Cənubi Qafqazda son pleystosendən holosen dövrünədək bəşəriyyətin tarixinin tədqiqi”) adlı kitab dünya üzrə arxeoloji tədqiqatlar və onların nəticələri barədə elmi ədəbiyyatın nəşri üzrə ixtisaslaşmış “Oxbow books” nəşriyyat evində çap olunmuşdur.

Azərbaycan-Yaponiya beynəlxalq arxeoloji ekspedisiyasının 2016-2023 - cü illərdə Avey Dövlət Tarix-Mədəniyyət Qoruğunun abidələr kompleksinə daxil olan Damcılı mağarasında (Qazax rayonu, Daş Salahlı kəndinin inzibati ərazisi) apardığı tədqiqatların nəticələrinə həsr edilən əsərin üç fəslinin həmmüəllifi Tarix və arxeologiya departamentinin müəllimi Ülviyyə Səfərova, bir fəslinin həmmüəllifi isə Orxan Zamanovdur.

Qeyd edək ki, Ülviyyə Səfərova, Orxan Zamanov Damcılı mağarasında aparılan arxeoloji tədqiqatların iştirakçısı, Dr. Yaqub Məmmədov isə iştirakçı olmaqla bərabər Azərbaycan tərəfdən bir müddət (2022-2023) rəhbəri də olmuşdur