Humanitar, təhsil və sosial elmlər fakültəsinin Tarix müəllimliyi ixtisasında təhsil alan I kurs tələbələri 2024-cü il noyabrın 7-də Tarix və arxeologiya departamentinin müəllimi Orxan Zamanovun təşkilatçılığı ilə “Şirvanşahlar Sarayı Kompleksi” muzeyində olmuşlar.

Ekskursiya zamanı fənn müəllimi Orxan Zamanov və bələdçi Zülfiyyə Məhərrəmova tələbələrə muzey haqqında geniş və maraqlı məlumat vermişlər.

Tələbə Leyla Xalıqovanın təəssüratıı: “Bu ekskursiya sayəsində XV əsrə aid “Şirvanşahlar Sarayı Kompleksi” haqqında geniş məlumat əldə etdik. Kompleksdə Şah sarayı, məscid, məqbərə, divanxana, ovdan və türbə kimi tikililər mövcuddur. Saray kompleksi qədim Azərbaycan memarlıq üslubu ilə bəzədilmişdir və hər bir hissəsi unikal dizayn elementləri ilə zəngindir. Ən diqqətəlayiq məqamlardan biri isə səliqəli daş işçiliyi və binanın tarixi məqamlarının qorunub saxlanmasıdır. Şirvanşahlar Sarayı həm Azərbaycan tarixini öyrənmək, həm də qədim memarlıq abidələri ilə tanış olmaq üçün möhtəşəm bir məkandır. Bu ekskursiya üçün Orxan müəllimə və bizə bütün incəlikləri danışan bələdçimiz Zülfiyyə xanıma təşəkkür edirik.”