2024-cü il noyabrın 5-də Xəzər Universitetində  COP29 və Yaşıl Dünya naminə Həmrəylik tədbirləri çərçivəsində Kimya və kimya mühəndisliyi departamentinin müəllimi Tahir Cavadzadə tərəfindən “Təmiz hava, təmiz su: davamlı həllər” mövzusunda elmi seminar keçirilmişdir. Seminarda universitetin rəhbərliyi, müəllim və tələbələri iştirak edirdilər.

Məruzəçi öz çıxışında ölkə ərazisində, əsasən də Abşeron yarımadasında uzun müddət aktual problem olan çirkab  sularının neft sənayesi tullantılarından, xüsusilə də ağır metallarlardan təmizlənməsi üçün effektiv həll yolları haqqında danışmışdır. Bundan əlavə, dövrün qlobal problemi olan  karbon qazının sintez olunmuş yeni katalizatorlar iştirakında faydalı birləşmələrə çevrilməsi istiqamətində apardığı tədqiqat haqqında ətraflı məlumat vermişdir.

Sonda müzakirələr aparılmış, məruzəçi sualları cavablandırmışdır.