2024-cü il oktyabrın 22-də Həyat elmləri departamentinin təşkilatçılığı ilə biomüxtəlifliyin öyrənilməsi məqsədilə “Citrus valley” təsərrüfatına səfər edilmiş və ekskursiya Dünya Vahid Sağlamlıq Gününə həsr olunmuşdur.

Tələbələrə biomüxtəlifliyin əhəmiyyəti, bitkilərin müxtəlif ətraf mühit amillərinə adaptasiyası, müxtəlif sitrus bitkiləri, onların növləri, meyvəsi, həmçinin, iqlim dəyişikliyinin və antropogen faktorların bu tip ekosistemlərə təsiri haqqında məlumat verilmişdir. Bundan əlavə, departamentin dosenti Cavid Ocaqi tələbələrə hektara düşən ağac sayının və məhsuldarlığın müəyyən edilməsini əyani şəkildə izah etmişdir. Sonda çay süfrəsinə qonaq olan tələbələr bağın sahibi Rəftarə Şükürovanın 15 hektar ərazini əhatə edən “Citrus valley” təsərrüfatının yaradılması haqqında söhbətini dinləmişlər.