2024-cü il noyabrın 2-də Gəncliyə Yardım Fondunun nəzdində fəaliyyət göstərən Bakı İstedadlı Gənclər Akademiyasının (BİGA) təşkilatçılığı ilə Siyasi elmlər və fələsəfə departamentinin müdiri Dos. Orxan Vəliyev BİGA-da “Türk Dövlətləri Təşkilatı: ideyadan reallığa” mövzusunda seminarda çıxış etmişdir. Semina Azərbaycanın müxtəlif universitetlərində təhsil alan tələbələrin iştirakı ilə keçib.

BİGA-nın koordinatoru Şahalı Cəlilov seminarın iştirakçılarını salamlayaraq, Dr. Orxan Vəliyevə gənclərlə görüşə gəldiyi  üçün təşəkkürünü bildirib. O, bu görüşün tələbələr üçün faydalı olacağını və onların gələcək karyeralarında istifadə edə biləcəkləri qiymətli məlumatlar əldə edəcəklərini vurğulayıb.

Sonra çıxış edən Dos. Orxan Vəliyev tələbələrə Türk Dövlətləri Təşkilatı haqqında geniş məlumat vermişdir. Bu təşkilata daxil olan ölkələrin arasındakı əməkdaşlığı gücləndirmək üçün həyata keçiriləcək gələcək layihələrdən danışıb.

Seminarın sonunda Bakı İstedadlı Gənclər Akademiyası tərəfindən qonağa xatirə hədiyəsi təqdim edilib.