2024-cü il oktyabrın 30-da Xəzər Universitetinin koordinatoru olduğu DIRNA layihəsi çərçivəsində  təlim  baş tutdu. Onlayn təlimi L'Aquila Universitetinin (İtaliya) əməkdaşı Francesco Tarquini keçirdi.

Təlimdə DIRNA layihəsinin bütün tərəfdaş universitetlərinin nümayəndələri (Bakı Dövlət Universiteti, Azərbaycan Texniki Universiteti, Dövlət Gömrük Komitəsinin Akademiyası, Gəncə Dövlət Universiteti, Lənkəran Dövlət Universiteti, Naxçıvan Dövlət Universiteti, Mingəçevir Dövlət Universiteti, İzmir Yüksək Texnologiya İnstitutu (Türkiyə),  L'Aquila Universiteti, Jyvaskyla Universiteti (Finlandiya) iştirak edirdi. Mövzu “İnklüziv təhsildə çətinliklər və ya maneələr” idi.

Vebinar müddətində təqdimatçı Avropada təhsil sistemləri və inklüziv təhsilin, inklüziv təhsildə olan maneələrin növləri: struktur maneələr, fiziki maneələr, ictimai maneələr və münasibət maneələrinin ayrı-ayrılıqda açıqlamalarını verdi. Həmçinin, iştirakçıları inklüziv online  təhsildə qarşılaşa biləcəkləri maneələr və onların aradan qaldırılması haqqında məlumatlandırdı. Sonda suallar cavablandırıldı.