2024-cü il oktyabrın 23-25-də Xəzər Universiteti Misir Ərəb Respublikası Qahirə Bədr Universitetinin (Badr University in Cairo - BUC) nümayəndə heyətini qəbul edib.

Oktyabrın 23-də qəbul Xəzər Universitetinin təsisçisi, Direktorlar və Qəyyumlar Şurasının sədri Prof.Akad.  Hamlet İsaxanlının iştirakı ilə keçib. Bədr Universitetindən isə universitetin rektoru Dr. Ashraf Mohamed El-Shihy və Beynəlxalq əlaqələr və xarici işlər üzrə prorektor Prof.Dr. Hanan Mounib iştirak ediblər. Proqram çərçivəsində Bədr Universitetinin nümayəndə heyətinin “Dünya” Məktəbinə turu təşkil olunub. Görüşdə “Dünya” İB məktəbinin ditektoru  Rəna Həsənova, Təşkilati işlər üzrə direktor müavini Rəşid Cəfərov, Karyera məsləhətçisi Zərifə Misirova iştirak etdilər. Burada onlar kitabxana, sinif otaqları ilə tanış olduqdan sonra Nailəxanım muzeyinə ekskursiyada olublar.

Oktyabrın 24-də qəbul Xəzər Universitetinin təsisçisi, Direktorlar və Qəyyumlar Şurasının sədri Prof.Akad.  Hamlet İsaxanlı, rektor Dos. İradə Xəlilova, Tədris işləri üzrə prorektor Prof. Məhəmməd Nuriyev, İdarəetmə və tələbə işləri üzrə prorektor Prof. İsaxan İsaxanlı, fakültə dekanları və departament müdirlərinin iştirakı ilə keçib.

Xəzər Universitetinin əməkdaşları təmsil etdikləri fakültə və departament haqqında ətraflı məlumat veriblər. Beynəlxalq əlaqələr şöbəsinin müdiri Fatimə Vəliyeva Xəzər Universiteti haqqında təqdimatla çıxış edib.

Bədr Universiteti və Xəzər Universiteti arasında tərəfdaşlıq və əlaqələrin gücləndirilməsi istiqamətində müzakirələr aparılaraq, müqavilə imzalanıb.

Görüşün sonunda hədiyyələr təqdim olunub və xatirə şəkilləri çəkilib.

Proqram qonaqlar üçün Bakı şəhərinin görməli yerlərinə, o cümlədən Heydər Əliyev Mərkəzinə tur və şam yeməyi ilə  başa çatıb.