Xəzər Universitetinin Kitabxana İnformasiya Mərkəzinin (KİM) direktor müavini Aytac Misgərli və İnformasiya xidmətləri bölməsinin müdiri Samirə Orucova 2024-cü il oktyabrın 25-də Elm və Ali Təhsil üzrə Dövlət Agentliyinin təşkilatçılığı ilə Azərbaycan Dövlət Pedaqoji Universitetinin Kitabxana İnformasiya Mərkəzində "Clarivate" və "Scopus" şirkətlərinin nümayəndələri ilə keçirilən görüşdə iştirak ediblər.
Görüşdə kitabxanaların elmin inkişafındakı mühüm rolu müzakirə olunub. Müzakirələrdə kitabxanaların cari vəziyyəti, elmi və tədeis resurslarına çıxış imkanları, elektron transformasiyaları və fakültələr, tədqiqatçılar və tələbələrlə iş barədə fikir mübadiləsi aparılıb.
Görüşdə iştirak edən “Clarivate” və "Scopus" şirkətlərinin nümayəndələri dünyanın aparıcı universitetlərinin kitabxanalarının fəaliyyəti barədə məlumatları və orada tətbiq olunan yanaşmaları görüş iştirakçıları ilə bölüşüblər.
Yekunda görüşdə müzakirə olunan problemləri və imkanları əhatə edəcək, kitabxanaların fəaliyyətini daha da təkmilləşdirəcək yol xəritəsinin hazırlanması hədəf olaraq müəyyən edilib.