2024-cü il oktyabrın 18-də Xəzər Universitetində  COP29 və Yaşıl Dünya naminə Həmrəylik tədbirləri çərçivəsində Fizika və elektronika departamentinin müəllimi Əhməd Asimov tərəfindən “Karbon tutma texnologiyasında nanohissəciklərin istifadəsi” (Nanoparticles Usage in Carbon Capture Technology) mövzusunda seminar keçirildi. Seminarda universitetin müəllim və tələbələri iştirak edirdilər. 

Azərbaycanın COP29 və Yaşıl Dünya naminə Həmrəylik kimi tədbirin keçirilməsi üçün seçilməsi təsadüfi deyil. İqlim dəyişmələrinin qarşısının alınması, ilk növbədə, istixana effektini törədən qazların atmosferə buraxılmasını ya sıfır səviyyəsinə endirilməsini, ya da əhəmiyyətli dərəcədə azaldılmasını tələb edir. Bu isə enerji transformasiyanın əsas istiqaməti olan bərpaolunmayan enerji mənbələrindən (kömür, neft, qaz, torf, müxtəlif növ bitumlar və s.) bərpaolunan enerjiyə (günəş, külək, su axarları və s.) keçmək deməkdir. 

Əhməd Aslimov bərpa olunan enerjidən istifadə, enerji səmərəliliyi və məcburi emissiyaların kompensasiyasını təmin  etmək, istixana qazı tullantılarını azaltmaq və karbon neytrallığına nail olmaq üçün nanotexnologiyanın tətbiqinin vacibliyini vurğuladı. Seminar tələbələrin böyük marağına səbəb oldu və müzakirələr şəklində davam etdi.