2024-cü il oktyabrın 19-da Gəncliyə Yardım Fondunun nəzdində fəaliyyət göstərən Bakı İstedadlı Gənclər Akademiyasının təşkilatçılığı ilə Xəzər Universitetinin Tarix və arxeologiya departamentinin müdiri Dos. Telman Nüsrətoğlu “İqlim böhranları və nizamsızlıq dövründə türk dövlətlərinin təhlükəsizlik sahəsindəki əməkdaşlığının önəmi” mövzusunda seminar keçirib. Seminarda Azərbaycanın müxtəlif universitetlərində təhsil alan tələbələr iştirak ediblər.
Tədbirin sonunda Telman Nüsrətoğlu fond rəhbərliyi tərəfindən gənclərin maarifləndirilməsi istiqamətində gördüyü işlərə görə mükafatlandırılıb və xatirə hədiyyəsi olaraq departament müdirinə Piri Rəisin 500 il əvvəl hazırladığı Xəzər xəritəsinin taxta üzərinə işlənmiş şəkli təqdim olunub.