2024-cü il oktyabrın 16-da Xəzər Universitetində Tarix və Arxeologiya departamentinin və Humanitar, təhsil və sosial elmlər fakültəsinin (HTSE) təşkilatçlığı ilə AMEA Arxeologiya və Antropologiya İnstitutunun Elmi katibi, Dos. Ellada Bəkirovanın "Albanşünaslıq keçmişdə və günümüzdə: elmi-nəzəri problemlər ətrafında müzakirə" adlı seminarı keçirilmişdir. Seminarda Təhsil və sosial elmlər fakültəsinin dekan müavini Pərvin Kərimova, Tarix və arxeologiya departamentinin müəllimləri Dr. Yaqub Məmmədov, Dr. Nurlan Nəsirov, Tarix müəllimliyi və Tarix və coğrafiya müəllimliyi ixtisaslarında təhsil alan tələbələr iştirak etmişdir.

Məruzəçi Alban dövlətinin ərazisi, əhalisi, siyasi tarixi, dini inam, memarlıq abidələri və eləcə də mənbəşünaslığı və tarixşünaslığı haqqında geniş məlumat vermiş, albanşünaslığın əsas elmi-nəzəri problemləri haqqında fikirlərini bölüşmüşdür. Sonda müəllimləri və tələbələri düşündürən məsələlər ətrafında geniş müzakirə aparılmışdır.