15.10.2024-cü il tarixində Xəzər Universitetinin Dillər və ədəbiyyatlar departamentinin təşkilatçılığı ilə "Yaşıl Dünya Naminə Həmrəylik ili" və "COP29"-a həsr olunmuş dəyirmi masa keçirilib. Tədbirdə universitetin müəllimləri, bakalavr və magistarura pillələrində təhsil alan tələbələr iştirak ediblər.

Tədbiri giriş sözü ilə açan Dillər və ədəbiyyatlar departamentin müdiri Dos. Dilbər Zeynalova Azərbaycan Respublikasının Prezidenti İlham Əliyevin müvafiq Sərəncamı ilə 2024-cü ilin "Yaşıl Dünya Naminə Həmrəylik İli" elan olunması və İqlim Dəyişiklikləri üzrə Tərəflər Konfransının – COP29-un ölkməizdə keçirilməsinin əhəmiyyətindən danışıb. O vurğulayıb ki, qeyd olunan məsələlər bütün sahələr, o cümlədən humanitar və ictimai elmlərin də qarşısında mühüm vəzifələr müəyyənləşdirir.

Sonra Dos. Hikmət Quliyev “Folklorik düşüncə və ekoloji diskurs: "Dirilik suyu axtarışın"dan “Əbədi müəhərrik" ideyasına” mövzusunda məruzə edib. Folklorşünas alim “texnologiya və mental dəyərlər”, “insan-təbiət-mədəniyyət münasibətləri” haqqında danışıb.  Qeyd edib ki, “ “yaşıl” dünya çağırışları təkcə yaşadığımız dünyanın fiziki materiyasını deyil, həm də mənəvi aləmini əhatə etdiyindən burada sosial stereotiplər və inanclar üzərində formalaşan mental dəyərlərə xüsusi diqqət yetirmək lazımdır. Natiq “ekofolklor” və “ekolor” anlayışının kəsb etdiyi mənaları da xüsusi vurğulayıb.

Tədbirdə mövzu ilə bağlı müzakirələr aparılıb, suallar cavablandırılıb.

Sonda Dos. Hikmət Quliyev Xəzər Universitetinin sertifikatı ilə təltif olunub.