2024 - cü il oktyabrın 14-də Xəzər Universitetinin koordinatoru olduğu DIRNA layihəsi çərçivəsində avropalı tərəfdaşlarla - İzmir Yüksək Texnologiya İnstitutu (İYTE) , L’Aquila Universiteti (UNİVAQ), Jyvaskyla Univeristeti (JYU) arasında onlayn görüş keçirildi. Görüş zamanı İzmir Yüksək Texnologiya İnstitutunun kitabxana direktoru Gültekin Gürdal cavabdeh olduqları 7-ci işçi paketinə uyğun “Keyfiyyətə nəzarət ” hissəsinə aid icra olunmuş və olunacaq işlər barədə hesabat verdi.
Tərəfdaşlara bildirildi ki, mütəmadi olaraq görülmüş işlər barədə materialları ümumi qovluqda paylaşsınlar. Layihə çərçivəsində qarşıda duran məsələlər müzakirə olundu.
Görüşdə Xəzər Universitetinin əməkdaşları - Kitabxana İnformasiya Mərkəzinin (KİM) direktoru Tatyana Zaytseva, İnkişaf Mətkəzinin direktoru Raziyə İsayeva, KİM-in direktor müavini Aytac Misgərli və Komplektləşdirmə bölməsinin müdiri Cəmilə Quliyeva, İYTE Öğretim Görevlisi və Veri Yöneticisi Begüm Yavuz, Akademik arxiv meneceri Ayşen Binen, Öğretim görevlisi Gönül Kafalı Can, UNİVAQ tədqiqatçısı Francesco Tarquini, JYU Tədqiqat koordinatoru Kati Clements və tədqiqatçı Saana Mehtala iştirak etdilər.