2024-cü il oktyabrın 5-də “Regional İnkişaf” İctimai Birliyi və Neftçala rayon Heydər Əliyev Mərkəzinin birgə təşkilatçılığı ilə “AZLİNG 2024 - Azərbaycan dili və müasir dilçilik: problemlər, perspektivlər və çağırışlar” mövzusunda ənənəvi beynəlxalq elmi konfrans keçirilmişdir. Qeyd edək ki, Azərbaycan Respublikasının Prezidenti İlham Əliyevin “Azərbaycan dilinin saflığının qorunması və dövlət dilindən istifadənin daha da təkmilləşdirilməsi ilə bağlı tədbirlər haqqında” 1 noyabr 2018-ci il tarixli Fərmanına uyğun olaraq bu il dördüncü dəfə  təşkil olunan konfransda Azərbaycanın tanınmış dilçi alimləri ilə yanaşı, ümumilikdə 100-dən çox yerli və xarici gənc tədqiqatçılar də məruzə ilə çıxış ediblər. Konfransda Dillər və ədəbiyyatlar departamentinin müəllimləri filologiya üzrə fəlsəfə doktorları Rasim Heydərov, Reyhan Mədətova və İlkin Əsgərov da iştirak ediblər. Sonda iştirakçılara sertifikatlar təqdim olunub.