2024-cü il oktyabrın 3-də Xəzər Universiteti Ukraynanın Poltava Dövlət Aqrar Universitetinin nümayəndə heyətini qəbul edib.

Qəbul Xəzər Universitetinin rektoru Dos. İradə Xəlilova, Tədris işləri üzrə prorektor Prof. Məhəmməd Nuriyev, İqtisadiyyat və biznes yüksək təhsil fakültəsinin dekanı İnqilab Əhmədov, Keyfiyyətin Təminatı Mərkəzinin direktoru Lyudmila Sotova,  Təbiət elmləri, sənət və texnologiya yüksək təhsil fakültəsinin dekan vəzifəsini icra edən Günel Bahəddinova, İqtisadiyyat və menecment fakültəsinin dekan vəzifəsini icra edən Xanım Nəbiyeva, Həyat elmləri departamentinin müdiri Cəmalə Eldarova, Həyat elmləri departamentinin Baytarlıq təbabəti üzrə koordinatoru Çiçək Əliyeva və Beynəlxalq əlaqələr şöbəsinin müdiri Fatimə Vəliyevanın iştirakı ilə keçib.

Poltava Dövlət Aqrar Universitetindən isə Universitetin rektoru Oleksandr Halych, Elmi işlər üzrə prorektor Şostiya Anatoliy, Kənd təsərüfatı və qida texnologiyaları fakültəsinin dekanı Usenko Svitlana, Elmi və Tədqiqat şöbəsinin müdiri İlona Yasnolob iştirak ediblər. Fatimə Vəliyeva və qonaqlar təmsil etdikləri universitetlər haqqında  ətraflı məlumat veriblər.

Poltava Dövlət Aqrar Universiteti və Xəzər Universiteti arasında tərəfdaşlıq və əlaqələrin gücləndirilməsi istiqamətində müzakirələr aparılaraq, müqavilə imzalanıb.

Görüşün sonunda hədiyyələr təqdim olunub və xatirə şəkilləri çəkilib.