2024-cü il oktyabrın 3-də Beynəlxalq Münasibətlərin Təhlili Mərkəzi (BMTM) və Naxçıvan Dövlət Universitetinin birgə təşkilatçılığı ilə universitetdə “Naxçıvan müqaviləsinin 15-ci ildönümündə Türk Dövlətləri Təşkilatı” mövzusunda konfrans keçirilib.

Konfrans Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəflinin, Beynəlxalq Münasibətlərin Təhlili Mərkəzinin İdarə Heyətinin sədri Dr. Fərid Şəfiyevin, Naxçıvan Dövlət Universitetinin rektoru Dos. Elbrus İsayevin, Türk Dövlətləri Təşkilatı Baş katibinin nümayəndəsi Muradcan Mustafayevin açılış nitqləri ilə öz işinə başlamışdır. Çıxışçılar Türk Dövlətlər Təşkilatı nəzdində səmərəli və işlək systemin inşasının əhəmiyyətindən danışıblar.

Tədbir “Türk Dövlətləri Təşkilatı coğrafiyasında geosiyasi dəyişikliklər və Türk Dövlətləri Təşkilatı”, “Təhlükəsizlik sahəsində əməkdaşlıq”, “İqtisadi və ticarət əlaqələri” və “Enerji və nəqliyyat sahəsində əməkdaşlıq” mövzularında panel iclasları ilə davam edib.

Tədbirdə məruzə ilə çıxış etmək üçün dəvət edilən Xəzər Universiteti Siyasi elmlər və fəlsəfə departamentinin müdiri Dos. Orxan Vəliyev “Türk Dövlətləş Təşkilatı və milli birlik: İdeyadan reallığa” mövzusunda çıxış edib. Suallar cavablandırılıb.