2024-cü il  oktyabrın  1-də Xəzər Universiteti Karyera və Məzunlar Mərkəzinin təşkilatçılığı ilə “Fairmont Bakı” hotelinin nümayəndələrinin Xəzər Universitetinin “Turizm işinin təşkili” ixtisası üzrə təhsil alan tələbələri ilə görüşü keçirildi.

“Fairmont Bakı” hotelinin Heyətin idarə olunması departamentinin direktoru Fidan Hüseynova hotelin yaranma tarixi, missiyası, iş prinsipləri və s., həmçinin tələbələr üçün nəzərdə tutulan ödənişsiz təcrübə proqramı haqqında ətraflı məlumat verdi. Tədbirin sonunda sözügedən təcrübə proqramı çərçivəsində tələbələr müsahibədə iştirak etdilər.  Müsahibədən uğurla keçən 10 tələbə “Fairmont Bakı” hotelində 3 aylıq ödənişsiz təcrübə keçəcək.