2024-cü il sentyabrın 24-25-də  Fransanın Paris şəhərində Beynəlxalq ISBN Agentliyi ISBN   (Beynəlxalq Standart Kitab Nömrəsi) və ISMN (Beynəlxalq Standart Musiqi Nömrəsi) xidmətləri üzrə milli və regional agentliklərin nümayəndəliklərinin iştirakı ilə  ümumi illik görüş keçirib.

Agentliyin dünya üzrə bütün milli və regional nümayəndəliklərindən dəvət olunmuş 100-ə yaxın real və 50-yə yaxın virtual iştirakçının qatıldığı tədbirdə Beynəlxalq ISBN  Agentliyinin Azərbarcan Respublikası üzrə Xəzər Universiteti Milli Mərkəzinin koordinatoru Səbinə Əlimərdanova iştirak etmişdir.

Tədbirdə Fransa Milli Kitabxanansının prezidenti Gilles Pecout, kitabxananın xidmət şöbəsinin müdiri Denis Mollat və Beynəlxalq ISBN Agentliyinin sədri Beat  Barblan  çıxış edərək, ötən müddət ərzində agentliyin fəaliyyəti haqqında ümumi məlumat vermişlər.

Görüşdə ISBN sistemi və nəşriyyat işi ilə bağlı bir çox önəmli məsələlər, Fransanın kitab bazarı, 2025-2026-cı illər üçün üzvlük haqlarına edilmiş dəyişikliklər, maliyyə hesabatları, rəhbər şəxslərin hesabatları müzakirə edilib. Həmçinin, Beynəlxalq ISBN Agentliyinin  fəaliyyəti ilə bağlı bəzi dəyişiklik və xəbərlər paylaşılıb.