2024-cü il sentyabrın 10-13-də Rumıniyanın Taraqovitse şəhərində hibrid formatda 30 ölkədən 138 qurum və 276 alimin iştirak etdiyi 10-cu Beynəlxalq EMI Sahibkarlıq və Sosial Elmlər Konqresi keçirilmişdir. Konqresin açılış sessiyasında Xəzər Universitetinin İngilis dili və ədəbiyyatı departamentinin müdiri Dr. Milana Abbasova əsas məruzəçi kimi çıxış edib. O, “Dil siyasəti və onun milli kimliyə təsiri: Azərbaycan nümunəsi” adlı tədqiqatını təqdim edib və panel müzakirəsinin moderatoru olub.
Dr. M. Abbasova tədqiqat işinə görə “Ən yaxşı elmi məqalə” sertifikatına layiq görülüb.