2024-cü il sentyabrın 20-də Xəzər Universitetinin Fikrət Əmirov Konfrans-Konsert Mərkəzində Heydər Əliyev Fondu və Mədəniyyət Nazirliyinin təşkilatçılığı ilə keçirilən ənənəvi “Üzeyir Hacıbəyli XVI Beynəlxalq Musiqi Festivalı” çərçivəsində universitetin Kamera orkestrinin “Üzeyir sənətinin gənclik sədaları” adlı konserti olmuşdur. Konsertdə Bülbül Vokal Məktəbinin (BVM) tələbələri də iştirak etmişlər. Konsertin bədii rəhbəri Xəzər Universiteti Musiqi və incəsənət departamentinin müdiri, əməkdar müəllim, pianoçu Zülfiyyə Sadıqova, dirijoru Meri Çeminava idi.

Konsert Kamera orkestri tərəfindən Üzeyir Haçıbıylinin “Arazbarı” əsərinin ifası ilə başlanmış, sonra bəstəkarın “Arşın mal alan” operettasından Gülçöhrönin ariyası və Asyanın kupletləri (BVM, Lalə Namazova, Fidan Sultanova), “Sevgili canan” və “Sənsiz” romansları, “Qaragöz” mahnısı (BVM, İbrahim Quliyev, Amil Nuri, Heydər Xəlfəyev), Asəf Zeynallının “Sual” romansı (BVM, Aytac Nəsibova), Müslüm Maqomayevin “Nərgiz” operasından Nərgizin mahnısı (BVM, Nəzrin Mansırlı), Fikrət Əmirovun “Min bir gecə” baletindən “Şəhrizadın bayramı”, “Sevil” operasından Dilbərin ariyası, “Ulduz” romansı (Əməkdar artist İnarə Babayeva), İtaliya bəstəkarı E. D. Kurtis`in “Surriento`ya qayıdış” romansı (“Totna a Surriento”, BVM, Mehdi Niftəliyev), Tofiq Quliyevin “Bəxtəvər oldum” romansı (BVM, Altun Süleymanov), Xalq artisti Sərdar Fərəcovun kamera orkestri üçün “Vals”ı ifa edilmişdir.
Konsert iştirakçıların alqışları ilə müşayiət olunmuşdur.