2024-cü il sentyabrın 23-də Xəzər Universitetinin Tərcümə Mərkəzinin təşkilatçılığı və İngilis dili və ədəbiyyatı departamentinin dəstəyi ilə təlimçi Gülnarə İlham “Yumşaq bacarıqların karyerada rolu” mövzusunda tələbələrə təlim keçib.

Tədbiri giriş sözü ilə açan Tərcümə mərkəzinin koordinatoru Elvin Abbasbəyli təlimçi G. İlhamı İngilis dli və ədəbiyyatı departamentinin tələbələrinə təqdim edib. Bildirib ki, Azərbaycan Dövlət İqtisad Universitetinin Karyera planlaması və inkişafı kafedrasının müəllimi olan G. İham, eyni zamanda, effektiv ünsiyyət, səlis nitq, yumşaq bacarıqlar və karyera planlaması üzrə təlimlər həyata keçirir. E. Abbasbəyli Tərcümə Mərkəzi haqqında da məlumat verib.

Sonra G. İlham yumşaq bacarıqların tərcüməçilərin karyerasındakı yerindən və oynadığı mühim roldan bəhs edib, iştirak edən tələbələrlə fərqli interaktiv çalışmalar  keçirib və sualları cavablandırıb.