Həyat elmləri departamentinin müdiri Dr. Cəmalə Eldarova və departamentin dosenti Cavid Ocaqi 2023-cü ildə İsveç Kənd Təsərrüfatı Elmləri İnstitutu tərəfindən qalib elan olunmuş “SORG4NOBAL: Baltik dənizi regionunda evtrofikasiya və pestisidlərlə çirklənmənin azaldılması üçün iqlim dəyişilmələrinə davamlı sorqonun introduksiyası" adlı beynəlxalq elmi-tədqiqat layihəsinin növbəti iclasında iştirak etmək üçün Estoniyaya səfər etmişlər.

Layihə işlərinin icrası ilə bağlı görüş 2024-cü il sentyabrın 9-12-də Estoniyanın Tallin və Tartu şəhərlərində keçirilmişdir. Layihə icraçıları Cavid Ocaqi,. Cəmalə Eldarova və Kənd Təsərrüfatı Nazirliyi yanında Aqrar Xidmətlər Agentliyinin Laboratoriya, Ekspertiza və Sertifikatlaşdırma Mərkəzinin direktor müavini Dr. Məhəmməd Eldarov həmin görüşdə iştirak etmişlər. Görüş zamanı Azərbaycanın biomüxtəlifliyi, torpaq-iqlim şəraiti, sorqo bitkisinə olan tələbatı və əkin sahələrinin artırılmasının təşviqi ilə bağlı məlumat verilmiş, geniş müzakirələr aparılmışdır. Tədbirdə İsveç, Estoniya, Latviya, Ukrayna, Danimarka və Niderland Krallığından olan mütəxəssislər və tanınmış alimlər iştirak etmiş, cari tədqiqat nəticələri dinlənilmiş və təhlillər aparılmışdır.
Sonra Tartu şəhərində yerləşən Estoniya Kənd Təsərrüfatı Elmləri və Tədqiqatları İnstitutuna səfər edilmiş, sorqo bitkisinin əkin sahələrinə baxış keçirilmiş və növbəti birgə layihənin yazılması üçün fəaliyyət planı tərtib edilmişdir. Layihənin icrası ilə bağlı yekun görüşün 2025-ci ilin fevral ayında Xəzər Universitetində keçirilməsi qərara alınmışdır.