2024-cü il sentyabrın 18-də Xəzər Universitetində Pakistanın Qucranvala Gələcək Texnologiyalar İnstitutunun (GIFT - Gujranwala Institute of Future Technologies) təsisçisi Muhammad Anwar Dar qəbul edilib. Görüşdə Xəzər Universitetinin rektoru Dos. İradə Xəlilova, Tədris işləri üzrə prorektor Prof. Məhəmməd Nuriyev, Təbiət elmləri və mühəndislik fakültəsinin dekanı Fəxrəndə Əfəndiyeva, İqtisadiyyat və biznes yük­­sək təhsil fakültəsinin dekanı Prof. İnqilab Əhmədov, Keyfiyyətin Təminatı Mərkəzinin direktoru Lyudmila Sotova, Təbiət elmləri, sənət və texnologiya yüksək təhsil fakültəsinin dekan vəzifəsini icra edən Günel Bahəddinova və Beynəlxalq əlaqələr şöbəsinin müdiri Fatimə Vəliyeva iştirak ediblər.

Görüşdə təhsil müəssisələri arasında tərəfdaşlıq və əlaqələrin gücləndirilməsi istiqamətində müzakirələr aparılıb.  Tərəflər təmsil etdikləri ali məktəblərin fəaliyyəti,  fakültələri haqqında məlumat vermişlər. Qonaq Xəzər Universitetinin Nailəxanım Mədəniyyət Mərkəzi, Dizayn və İncəsənət otağı, kitabxana və Nanotexnologiya Laboratoriyası ilə tanış olub.

Görüşün sonunda hədiyyələr təqdim olunub və xatirə şəkilləri çəkilib.