2024-cü il sentyabrın 16-da Xəzər Universitetinin Psixologiya departamentinin müəllimi Nilufər Akif Dəmirzadə İngiltərənin “King’s College” Universitetində keçirilən beynəlxalq konfransda iştirak etmişdir. Konfransın əsas mövzusu anoreksiya nervosa, bulimiya kimi  yemək pozuntularından əziyyət çəkən şəxslərə erkən müdaxilə edilərək, psixoloji dəstəyin göstərilməsi və bu sahədə istifadə oluna “FREED” proqramının tətbiqi idi.

Kanada, Avstraliya, Niderland kimi ölkələrdən gələn klinik psixoloq və tədqiqatçılar öz təcrübələrini bölüşərək, yemə pozuntuları sahəsində ortaya çıxan potensial problemləri və onların həllini də müzakirə ediblər.
Tədbir gənclərin psixoloji sağlamlığı sahəsində dünyada tanınan, yemək pozuntuları, psixoz və şizofreniya kimi psixi sağlamlıq problemlərinin erkən diaqnostikası və müalicəsində əhəmiyyətli işlər görmüş tədqiqatçı Prof. Pat McGorry və “King’s College”da Yemək və Çəki Pozuntuları üzrə Araşdırma Mərkəzinin direktoru Prof. Ulrike Schmidt`in iştirakı ilə keçmişdir.