2024-cü il sentyabrın 11-12-də Azərbaycanda mühüm qlobal tədbir olan “Qlobal ali təhsil gündəliyində iqlim dəyişikliklərinə qarşı mübarizə” mövzusunda forum keçirilib. Forumda Xəzər Universitetini rektor Dos. İradə Xəlilova təmsil etmişdir.

COP29 ərəfəsində keçirilən forum iqlim fəaliyyətinə dair SDG 13-ü əsas tutaraq və universitetlərin iqlim fəaliyyətini əsas institusional prioritet kimi inteqrasiya edərək, gələcək nəsillərin ehtiyaclarının qarşılanmasında mühüm rol oynamalı olduğunu vurğulamışdır.

“İqlim dayanıqlılığının qurulmasında fənlərarası tədqiqatın rolu” mövzusunda panel müzakirəsi zamanı British Council-ın (Britaniya Şurası, Azərbaycan) ölkə üzrə direktoru Nərgiz Hacıyeva Xəzər Universiteti və Böyük Britaniyanın Exeter Universitetinin əməkdaşlığını yaxşı nümunə kimi qeyd edib.