2024-cü il sentyabrın 16-da Xəzər Universitetində yeni dərs ilinin açılış mərasimi oldu. Tədbirdə universitetin rəhbərliyi, fakültə dekanları, departament müdirləri və əməkdaşlar, tələbələr və valideynlər iştirak edirdilər.

Tədbir Azərbaycan Respublikasının Dövlət Himninin ifası ilə başlandı. Sonra universitetin rektoru Dos. İradə Xəlilova, Təbiət elmləri və mühəndislik fakültəsinin dekanı Dr. Fəxrəndə Əfəndiyeva,

İqtisadiyyat və menecment fakültəsinin dekan əvəzi Dr. Xanım Öməroğlu və Humanitar, təhsil və sosial elmlər fakültəsinin dekan əvəzi Aygün Verdiyeva  çıxış edərək, tələbələri, xüsusən də birinci kursa qəbul olunanları təbrik etdilər, onlara qarşıdakı təhsil illərində uğurlar arzuladılar.

Yeni qəbul olunmuş tələbələrə və valideynlərə Xəzər Universitetinin ölkənin təhsil məkanında mövqeyi və dünya təhsil sisteminə sıx inteqrasia şəraitində yüksək ixtisaslı mütəxəssislər yetişdirmək sahəsindəki fəaliyyəti  haqqında məlumat verildi. Universitetdə təcrübəli professor-müəllim heyətinin çalışdığı, xarici universitetlərdən pedaqoji kadrların dəvət olunması, tələbələrin mübadilə proqramları ilə xaricdə təhsil alması və digər imkanlar nəzərə çatdırıldı.

Tədbir universitet kollektivləri və solistlərin konsert proqramı ilə müşayiət olundu.