Xəzər Universitetinin əməkdaşları – Beynəlxalq əlaqələr şöbəsinin müdiri Fatimə Vəliyeva, Kimya və kimya mühəndisliyi departamentinin müəllimi Tahir Cavadzadə, Kompüter elmləri departamentinin müəllimi Humay Hüseynova və Təhsil departamentinin müəllimi Fəridə Orucova 29 iyul – 8 avqust 2024-cü il tarixlərində  “British Council” (Britaniya Şurası) təşkilatının gənc tədqiqatçılar üçün onlayn şəkildə keçirdiyi ünsiyyət bacarıqları üzrə “Researcher connect” (Tədqiqatçı şəbəkələşməsi) adlı təlimdə iştirak ediblər. 

İki həftə davam edən təlimlər nəzəriyyə və təcrübəni əhatə edib və ali təhsil sahəsində təcrübəli xarici təlimçilər tərəfindən keçirilib.

30 gənc tədqiqatçının iştirak etdiyi təlimin sonunda onlara müvafiq sertifikatlar verilib. Sertifikatları 2024-cü il avqustun 27-də  Böyük Britaniya və Şimali İrlandiya Birləşmiş Krallığının Azərbaycanda Fövqəladə və səlahiyyətli səfiri Fergus Auld və “British Council” təşkilatının Azərbaycan üzrə direktoru Nərgiz Hacıyeva səfirliyin iqamətgahında təqdim ediblər.