AMEA Arxeologiya və Antropologiya İnstitutunun böyük elmi işçisi, Xəzər Universitetinin Tarix və arxeologiya departamentinin müəllimi Dr. Yaqub Məmmədovun rəhbərlik etdiyi “Qazax paleolit arxeoloji ekspedisiyası” 1-30 iyul tarixlərində Qazax və Ağstafa rayonu ərazisində tədqiqat aparmışdır.

Kəşfiyyat işləri zamanı “Keşikçidağ” Dövlət Tarix-Mədəniyyət Qoruğunun ərazisində, Candar gölündən 950 metr cənubda, dəniz səviyyəsindən 320 metr yüksəklikdə Paleolit dövrünə aid yeni tapıntı yeri aşkar olunub. Orta Paleolit dövrünə aid daş məmulatlarının aşkar olunduğu ərazi, şərti olaraq “Candar göl paleolit tapıntı yeri” kimi qeydə alınıb.

Tədqiqatların davam etdirilməsi nəzərdə tutulur.