2024-cü il avqustun 22-də Xəzər Universitetinin təsisçisi, Direktorlar və Qəyyumlar Şurasının sədri, Prof.Akad. Hamlet İsaxanlı, İctimai əlaqələr və media üzrə direktor Əlövsət Əmirbəyli, universitetin meneceri Şahin İsayev, həmçinin İqtisadiyyat və menecment fakültəsinin müəllimi Həsən Rəhimli AMEA Lənkəran Regional Elmi Mərkəzində (REM) olublar.

Mərkəzin direktoru Mehman Əliyev qonaqları salamlayıb, son aylarda burada görülən işlər, keçirilən elmi seminarlar, konfranslar, müxtəlif tədbirlər barədə məlumat verib. Xəzər Universiteti ilə Lənkəran REM arasında gələcək əməkdaşlığın perspektivləri müzakirə olunub. Prof.Akad. Hamlet İsaxanlı mərkəzdə yaradılan Ümummilli Liderin 100 illiyi adına kitabxana ilə tanış olub, AMEA-nın 44 günlük Vətən müharibəsində ilk şəhidi - Lənkəran REM-in əməkdaşı Mahsun Bağırzadənin Xatirə guşəsini ziyarət edib.